Årsmelding 2000

<< tilbake

Årsmøtet for 2000 vart halde på Alver Hotel den 13. mai. Det var 17 personar tilstades, og 13 medlemsbedrifter var representerte. Det tillyste foredraget om Framtida i oppdrettsnæringa, kystsoneplanlegging og øvrig tilrettelegging for utnytting av havets ressurser i Distrikts-Norge, måtte utgå då foredragshaldar ikkje møtte opp. Ein invitert oppdrettar, Øyvind Holsen fra Rylandsvåg drift as, orienterte og svara på spørsmål om temaet. Årsmøtet fekk verdfull informasjon om ei næring som også i framtida vil vera viktig for regionen. Prisen til årets bedrift gjekk til Mongstad Elektro as. Prisen vart utdelt på festen seinare på kvelden.

Medlemer:
Sidan sist årsmøte er 10 verksemder opptekne som nye medlemer, og 3 verksemder har gått ut. Det har dessutan vore eit par samanslåingar. Dei nye medlemene er Rylandsvåg Drift AS, Blick as Marketing og Display, Nordhordland Reisebyrå, Walde Byggevare AS, Seilmaker Service AS, Proxy Data AS, Ressurssenteret AS, Creanor AS, Maritime Engineering AS og Nordbø Hyttetun.

Dei utgåtte verksemder er Erling Foss, Nils Andr. Iversen Rekneskapskontor og Per Johan Litleskare. Medlemstalet er no 119, inklusiv 5 æresmedler. Desse er Karstein Stene, Marvid Dale, Ivar Fivesdal, Arnt Brandtun og Magne Hope. Sistnevnte vart utnevnt på årsmøtet i fjor.

Styre:
Tor Iversen, formann
Rune Fanebust, nestformann
Ivar K. Johannessen
Arvid Sulen
Øystein Hope
Hans Wergeland
Arnt Brandtun
Trond Helland
Nils Landro
Valnemnd:
Roald Olsvold, formann, Svein Tangen og Magne Hope.

Arbeidsutval:
Tor Iversen, formann, Rune Fanebust og Trond Helland.

Revisor:
Svein Hodneland, varamann: Oddvar Sundsbø.

Styret har sett ned desse utval:

Næringsutval:
Arnt Brandtun, formann, Ivar K. Johannessen, Trond Helland og Øystein Hope.

Utdanningsutval:
Rune Fanebust, formann, Nils Landro, Jarleiv Haugland, Svein Tangen og Magnus Kvingedal.

Kommunikasjonsutvalet:
Arvid Sulen, formann, Hans Wergeland, Magne Hope og Roald Olsvold.

Regionrådet sitt kontor er sekretariat for laget.

NHIL er elles representert slik:

Kompensasjonsfondet etter auken i arbeidsgjevaravgifta:
Tor Iversen og Arnt Brandtun, med varafolk: 1. Trond Helland og 2. Ivar K. Johannessen.

Medlemer i Regionrådet sitt næringsutval:
Tor Iversen og Arnt Brandtun, med varafolk: 1. Trond Helland og 2. Ivar K. Johannessen.

Styret for Opplæringskontoret for Nordhordland:
Repr.: Rune Fanebust. Vararepr.: Nils Landro

Styret i Mongstad Utviklingsselskap AS:
Arnt Brandtun

Formannen representerer laget i andre samskipnader.

NHIL har eigarinteresser i Mongstad Utviklingsselskap AS og Nordhordland Industriservice AS.

Aktivitet:
I 2000 har det vore 9 styremøter og det har vore 1 medlemsmøte. Styret har hatt 57 saker til handsaming, og det meste av arbeidet med desse har vore gjort i utvala:

Næringsutvalet
Næringsutvalget har i år vore samansett slik:

Trond Helland, Ivar Johannesen, Øystein Hope og Arnt Brandtun (formann).

Aktiviteten i år 2000 har vore høg, med mange møter der næringsutvalet har vore representert.

I to saker som næringsutvalet har engasjert seg i, har dei no gjort vedtak, og der vann ikkje våre synspunkt fram:

  1. Loginor A/S som innkjøpsselskap i regionen vart ikkje etablert.
  2. Nordhordland Kraftlag vart solgt 100% til BKK. Ein fylgjer no opp kjøpslovnaden frå BKK, om at nettleiga skulle reduserast med ca. 10%.

Andre saker som har vore arbeida med er:
I Fondsstyret for kompensasjonsmidlane har det vore lagt ned mykje tid og kreftar for at næringslivet skal få tilbakeført mest mogleg til kompetansehevane tiltak. For år 2000 og 2001 disponerer Fondsstyret ca. 65 mill. kr. Det er utsikter for at ordninga også vil vara i år 2002, 2003 med ca. 50 mill. i løyvingar kvart år til dei fire kommunane i vår region. Nhil har også to representantar i fondsstyret; Tor Iversen og Arnt Brandtun, og tildelinga til kompetanseheving er no kome godt i gang. Nhil er også representert i Regionrådet sitt næringsutval.

Der har vore møte med Statoil Mongstad den 4.4. og 11.10.2000. Møta har fylgt det tradisjonelle opplegget med gjensidig informasjon og fokus på saker som har betydning for ei positiv næringsutvikling i regionen.

Etter strategiplanen for Nhil skal det haldast møte med kommunene ved ordførarane, rådmenn, teknisk sjef m.m. om å få med dei beste rammevilkår i landet. Det første møte vart halde 19.10.2000 og oppfølging vert våren 2001. I åra framover vil rammevilkåra vera dei viktigaste sakene for næringslivet. Politiske vedtak om eigedomsskatt, avskrivingsreglar, kystsoneplan, oppdrettskonsesjonar, utbygging av industri i tilknyting til resursar som olje og gass, kyststamvegen, vilkåra for sjøtransport m.m. Skal regionen behalde ungdommen og ha tilbod om attraktive arbeidsplassar, er det nødvendig med eit nært næringsliv som skapar verdier og driv lønnsomt.

Utdanningsutvalet
Har i år fått inn Magnus Kvingedal (rektor på Austreim V.G) som ny medlem i utdanningsutvalet. I tillegg har Kjersti Haugland frå Nell vore med på møtene. Elles har i år som i fjor Svein Tangen, Jarleiv Haugland, Nils Landro og Rune Fanebust (formann) vore med.

Utdanningsutvalet har gjennomført eit pilotprosjektet - kompetansekartlegging i nokre utvalde bedrifter. Mål for prosjektet, organisering av arbeidet:

  • Bedriftene skulle ved felles samlingar få best mogleg grunnlag for val og prioriteringar i vidare arbeid med kompetanseheving.
  • NHIL skulle skaffe laget sine eigne erfaringar om korleis arbeid med kompetanseheving kan leggjast opp i bedrifter med ulik storleik.

Etter 3 felles samlingar på Mongstad Test og Inspeksjon hadde gruppene/bedriftene arbeid fram følgjande felles tiltak på kryss av bransjar.

  1. Opplæring i sentralbordfunksjon- marknadsføring av bedriftene. (Gjennomført)
  2. Arbeidsleiing og prosjektstyring. (Er i gang)
  3. Utdanning av fagarbeidar – industri mekanikere

På siste samling vart ein einige om å arrangere ei "messe" der ulike kurstilbydere i fellesskap med bedriftene kunne sy saman eit tilbod som stod i forhold til faktisk avdekte behov. Utdanningsutvalet har hatt god hjelp frå Kjersti Haugland frå Nell i vidare arbeid med koordinering og planlegging fram mot faktiske kurs.

Kostnader
Prosjektet hadde budsjettert med 10.000,-. Kvar bedrift betalte 1500,-, og NHIL 2500,-. Dette gikk til forelesar og enkel servering på samlingane. Utdanningsutvalet har søkt om midlar gjennom kompensasjonsmidlane, og fått støtte på kr 77600,- for kurs 1 og 2.

Utdanningsutvalget vil med dette takke alle som har vært med på prosjektet, og spesielt til Mongstad Test og Inspeksjon som stilte lokaler til disposisjon og Kjersti Haugland frå Nell.

Deltakarar/bedrifter:
Mundal Båtbyggeri AS, Frekhaug Stål AS, Helland Elektro AS, Mongstad Test og Inspeksjon og Sløvåg Industriservice AS.

Kommunikasjonsutvalget har i år vore Hans Wergeland, Magne Hope, Roald Olsvold og Arvid Sulen (formann), og har igjen gjennomført eit aktivt arbeidsår, der det har vore 4 saker som har stått i fokus.

Sak 1. Katalogen.
Oppgradering av katalogen har tatt lengre tid enn planlagt. Grunnane til dette er sein tilbakemelding frå bedriftene vedr. oppdatering av opplysningane i katalogen. Arbeidet er no ferdig og supplerande fakta-blad er utsendt. Framtidig oppdatering vil bli utført via web-sidene på Internett.

Sak 2. Lagstur.
Turen i år gjekk med båt til Danmark (Hanstholm og Ålborg) 20.-23.oktober. I alt 51 deltakarar var med. I Hanstholm gav borgmester Aase Jensen (ordføraren) ei god orientering om tilrettelegging for næringslivet, deriblandt havneutbygging og kommunikasjonsliner land/sjø, noko som var svært interessant . Deretter fortsatte turen med buss til Ålborg. Turen var vellukka.

Sak 3. Leiarnettverket "Tryggare styring".
På samlinga 24. nov. 2000 på Admiral hotell evaluerte nettverket seg sjølv. Deltakarane ønskjer å halda fram i år 2001 omlag etter same opplegg som før. Det vert opna for nye deltakarar i nettverket for å halda nivået oppe og bidra til fornying. Dette er er bra og laget vil bidra positivt til framhald av nettverkssamlingane. Det vert også vurdert å oppretta eit nytt nettverk med delfinansiering av kompensasjonsmidlane.

Sak 4. Strategisk plan for NHIL år 2000.
Kommunikasjonsutvalget leia arbeidet med å få utarbeida ein strategisk plan for laget. Planen vart godkjent på årsmøtet i fjor.

Planen har Visjon og Målsettinger samt Strategier som følger:

Strategi 1 Rammevilkår

Strategi 2 Kompetanse heving

Strategi 3 Informasjon og markedsføring

Strategi 4 Miljøtiltak

Arbeidsoppgavene i Strategiane er fordelt på utvalgene i laget. Kommunikasjonsutvalget har ansvar for Strategi 4, Miljøtiltak og det vert arbeidd for oppretting av eit nettverk med ein arbeidsform som i prosjekt Tryggare Styring. Dette tiltaket er delfinansiert av kompensasjonsfondet.

Medlemmene i Kommunikasjonsutvalet takkar for all hjelp og støtte me har fått i året som har gått og ser fram til vidare arbeid med den største interesse.

Sluttord:
Enda eit år ligg bak oss, og det er tid for refleksjonar. Det har vore eit år med strammare rammevilkår frå styresmaktene si side, både lokalt og sentralt. Dette er noko som bedriftene må handtera i tillegg til den harde konkurransen som me alle er utsett for.

Me veit at marginane i dei fleste bedrifter er små, og ein del bedrifter har ikkje oppnådd forventa resultat. Dette skuldast ikkje berre forverra rammevilkår, som t.d. auken i arbeidsgjevaravgifta, men for dei fleste er det opplagt at denne har hatt stor betydning. Men, det er noko spesielt med strilane. På tross av tøffe rammevilkår gjev me ikkje opp, men krummar ryggen og tar dei utfordringar som kjem.

Laget har i år 2000 brukt mykje energi på å få til ei fornuftig forvaltning av kompensasjonsmidlane for auken i arbeidsgjevaravgifta. Laget samarbeider her med lokale politikarar samt representanter for andre næringar og organisasjonar. Det har vore mange heftige meiningsutvekslingar om bruken av midlane, men me ser på det som ei styrking av samarbeidet i regionen. Skulle det koma ein storkommune i vår region har me i alle fall erfaring med samarbeid og dialog med lokale styresmakter. Når det gjeld bruken av midlane har målsettinga vore å få kompensasjonen så nært tilbake til bedriftene som mogeleg, innanfor gjeldande nasjonalt og internasjonalt regelverk. Me trur at løyvingar til fellestiltak også vil koma dei bedriftene til gode som ligg i nordre del av regionen.

Styret i laget og enkeltmedlemer har arbeidd godt saman i året som ligg bak oss. Mange spanande tiltak er sett i gang gjennom vår strategiplan. Det er ein styrke for laget at mange, både unge og eldre bedriftsleiarar, engasjerer seg i laget sitt arbeid og tek del i faglege og sosiale samkomer. Det kan tyda på at laget arbeider med dei rette sakene og engasjerer seg der medlemene meiner det er viktig. Men, me vil gjerne ha endå fleire tilbakemeldingar og synspunkt på kva laget skal arbeida med - meld gjerne inn via våre internettsider www.industrilaget.com.

Gjennom NHIL kan me hjelpa kvarandre vidare i dei utfordringar som ligg framfor oss. Me treng eit mangfoldig og levedyktig næringsliv i regionen. Styret vil takka medlemmene for året som ligg bak oss og ønskja lukke til med arbeidet vidare i den enkelte bedrift.

Knarvik, 13. mars 2001.

Tor Iversen (s)

Jostein Skråmestø (s)

Formann

Sekretær