Årsmelding 2001
<< tilbake

 Årsmøtet for 2001 vart halde på Alver Hotel den 21. april 2001. Det var 20 personar tilstades, og 14 medlemsbedrifter var representerte. Etter årsmøtesakene vart det orientert nærare om kompensasjonsfondet etter auken i arbeidsgjevaravgifta og ordførar Rolf Sandstad informerte om planar for breibandsutbygging i regionen.

Prisen til årets bedrift gjekk til P/R Landkjenning fra Fedje. Prisen vart utdelt på festen seinare på kvelden.

Medlemer:
Sidan sist årsmøte er 2 verksemder opptekne som nye medlemer. Dei nye medlemene er Fargehuset Villanger AS og Drillcon AS. Medlemstalet er no 122, inklusiv 6 æresmedlemer, som er Karstein Stene, Marvid Dale, Ivar Fivesdal, Arnt Brandtun , Magne Hope og Hans Wergeland.

Styre:
Rune Fanebust, formann
Øystein Hope, nestformann
Tor Iversen
Ivar K. Johannessen
Arvid Sulen
Lars Hellandsjø
Arnt Brandtun
Trond Helland
Nils Landro

Valnemnd:
Magne Hope, formann, Svein Tangen og Hans Wergeland.

Arbeidsutval:
Rune Fanebust, formann, Øystein Hope og Trond Helland.

Revisor:
Svein Hodneland varamann: Oddvar Sundsbø.

Styret har sett ned desse utval:

Næringsutval:
Arnt Brandtun, formann, Ivar K. Johannessen, Trond Helland og Øystein Hope.

Utdanningsutval:
Nils Landro, formann, Lars Hellandsjø, Jarleiv Haugland, Svein Tangen og Magnus Kvingedal.

Kommunikasjonsutvalet:
Arvid Sulen, formann, Tor Iversen, Hans Wergeland, Magne Hope og Roald Olsvold.

Regionrådet sitt kontor er sekretariat for laget.

NHIL er elles representert slik:

Kompensasjonsfondet etter auken i arbeidsgjevaravgifta:
Rune Fanebust og Arnt Brandtun, med varafolk: 1. Tor Iversen, 2. Øystein Hope, 3.Trond Helland.

Medlemer i Regionrådet sitt næringsutval:
Rune Fanebust og Arnt Brandtun, med varafolk: 1. Tor Iversen, 2. Øystein Hope, 3.Trond Helland.

Styret for Opplæringskontoret for Nordhordland:
Repr.: Nils Landro

Styret i Mongstad Utviklingsselskap AS:
Arnt Brandtun

Formannen representerer laget i andre samskipnader.

NHIL har eigarinteresser i Mongstad Utviklingsselskap AS og Nordhordland Industriservice AS.

Aktivitet:
I 2001 har det vore 9 styremøter og det har vore 1 medlemsmøte. Styret har hatt 65 saker til handsaming, og det meste av arbeidet med desse har vore gjort i utvala:

Næringsutvalet
Næringsutvalget har vore samansett slik:

Trond Helland, Ivar Johannesen, Øystein Hope og Arnt Brandtun (formann).

Saker som ein har arbeida med i år 2001:

1. Kraftlaget
Næringsutvalet fylgde opp lovnadene til BKK då dei kjøpte Nh. Kraftlag; at nettleiga i Nordhordland skulle senkast ca. 10% når BKK overtok. I mars 01 hadde ein møte med leiinga for Nett og Distribusjon. Møtet var ein fiasko. Dette var offentleg monopoldrift på sitt verste. Ein kom ikkje fram til noko resultat, og saka må følgjast opp når tidspunktet er optimalt.

2. Kompensasjonsfondet for auka arbeidsgjevaravgift.
Rune Fanebust og Arnt Brandtun har vore faste medlemer i fondstyret, med Tor Iversen, Øystein Hope og Trond Helland som vararepresentanter i rekkefølge. Arbeidet i fondet er tid- og arbeidskrevande. Laget tok opp saka om å auka tilskotet til kompetanseheving i bedriftene fra max. kr. 7.000 pr. arbeidstakar til max. kr. 20.000, og fekk tilslutning for forslaget.

Me vil gje ei oppfordring til alle næringsdrivande i regionen, som kjem inn under ordninga, å søkja om midlar etter dei retningsliner som gjeld.

3. Møte med Statoil Mongstad, 5. okt. 01.

    1. Statoil redegjorde for dei utbyggingsplanar som føreligg for dei næraste åra. Det skal investerast betydelege beløp i oppgradering og nyanlegg. Ein fekk også ei orientering om arbeidet med å etablera eit infrastrukturselskap på Mongstad, bl.a. med tanke på oppdrett av marine arter der energi fra raffineriet er sentralt.
    2. NHIL tok opp spørsmålet om å sikra rekruttering av kvalifisert arbeidskraft i eit livskraftig lokalsamfunn. Lokalt næringsliv opplever at oljeindustrien ( on- og offshore) "tar" kvalifiserte arbeidsfolk frå lokale bedrifter og dette vart følt som eit problem.  
    3. Korleis kan næringsliv-skule-kommune samarbeida om å sikra god næringsutvikling.

      Det vert viktig framover at bedriftene tar inn tilstrekkelig med lærlingar i alle fag, og at ein alt i grunnskulen gjev elevane informasjon om yrkes- og lærlingeval som er i samsvar med etterspørselen etter kvalifiserte fagfolk.

Konklusjon på møtet:

      Det er viktig at næringslivet i regionen og Statoil Mongstad har ein god dialog, og nytt møte med oppfølging av viktige saker vert halde våren 2002.

Strategiplan m/handlingsplan

Næringsutvalet har fått ansvar for :

Tiltak 1.1. Samarbeid næringsliv-kommune
Næringsutvalet er med i eit utval der alle kommunane er representerte, vår mann er Øystein Hope. Dette går vesentlig på utvikling av ein næringsvenleg og effektiv offentlig sektor i tilknytning til plan- og bygningslova. Dette arbeidet vert viktig framover, kfr. samtalane som er i gang om ein storkommune i Nordhordland.

Tiltak 1.2. Best mogelege rammevilkår i regionen
Prosjektansvarleg: Styret i NHIL
Prosjektleiar: Formannen i næringsutvalet
 

1. Bakgrunn
Det er viktig at næringslivet kontinuerlig utviklar og fornyar seg. Dersom regionen skal ha eit mangfaldig og lønsamt næringsliv som sikrar arbeidsplassane må rammevilkåra i regionen vera mellom dei beste i landet. Med regionale rammevilkår er meint det som kommunale styresmakter gjer for å leggja til rettes for etablering og vidare utvikling av bedrifter. Det gjeld også økonomiske vilkår som næringsfond og eigedomsskatt.

2. Målsettingar
  • Rask tilrettelegging for utbygging av næringslivsareal når behov melder seg
  • Kontinuerlig utbygging av nødvendig infrastruktur
  • Tiltrekking av ny aktivitet til regionen, t.d. gassrelaterte etableringar
  • Tilrettelegging for utvikling av havbruk/akvakultur i regionen
  • Stimulera til arbeidsplassar spesielt tilpassa kvinneleg arbeidskraft
  • Stimulera til nyskaping og omstilling gjennom ein kontinuerlig prosess

3. Innhald

  • NHIL skal vera pådrivar for utarbeiding og oppfylgjing av kommunale næringsplanar, havbruks- og andre planar som inneheld forpliktande rammevilkår for næringslivet
  • Tilrettelagte areal, infrastruktur og råstofftilgang må kartleggjast og markedsførast.
  • NHIL vil evaluera tiltaket ved utgangen av år 2001

4 Organisering
  • Prosjektansvarleg er styret i NHIL.
  • Prosjektleiar er leiar i næringsutvalet.

*************

Oppsummering for næringsutvalet:

På mange måtar har år 2001 vore eit vanskeleg år for små- og mellomstore bedrifter i vårt distrikt. Det ser ut som lønnsom drift er blitt tyngre å få til. Konkurransen er stor og offentlege pålegg og kontroll er aukande. Det krev stadig meir investeringar og administrasjon i bedriftene. Trass i alt dette må me ha ein sterk vilje til å stå på for å gjennomføra dei oppgaver og mål me set oss som bedrift eller som næringsorganisasjon.

 

Utdanningsutvalet
Utvalget har i år hatt desse medlemmene:

Lars Hellandsjø
Jarleiv Haugland
Magnus Kvingedal
Svein Tangen
Nils Landro (form)

Utdanningsutvalget har vore opptatt av desse saker:

  • Rekruttering av fagarbeidarar. Det er vanskelig for ein del bedrifter å rekruttera fagarbeidarar lokalt bl.a. fordi ungdommen søkjer andre typer utdanning. Det er her viktig å få fram informasjon på riktig måte og tidlig nok, slik at det blir interesse for yrkesvalg som det er mangel på i distriktet. Vi har hatt Nordhordland v.g. skole ,med på møte i utvalget vedr. dette. Dei har no i samarbeid med Frank Mohn Flatøy AS arrangert eit opplegg for informasjon som det blir interessant å sjå effekten av.
  • Pilotprosjektet med kartlegging og gjennomføring av kurs for bedrifter er nett avslutta. Dette prosjektet er gjennomført i samarbeid med NELL, som har stått for organisering og gjennomføring. Oppsummering fra dette prosjektet vil bli foretatt i næraste framtid, og vi vonar erfaringar fra dette prosjektet vil koma til nytte i tida framover.
  • Har også deltatt på styremøter i Opplæringskontoret for Nordhordland.
  • Er med i styringsgruppa for NELL-prosjektet. Det har her vore omorganisering av prosjektleiinga. Det blir forsøkt å leggja til rette for å sikra kontinuitet i arbeid med kompetanseheving i regionen. Det er mange gode ting på gang i Nordhordland med tilgang på midler til kompetanseheving, kartlegging av realkompetanse, aktive videregående skoler etc. Det er her viktig å få alle aktørar til å dra i samme lei for at arbeidet skal bidra til vidare heving av kompetansen i bedriftene.

Kommunikasjonsutvalget har i år vore Hans Wergeland, Magne Hope, Roald
Olsvold, Tor Iversen og Arvid Sulen (formann), og har igjen gjennomført eit
aktivt arbeidsår, der det har vore 3 saker som har hatt fokus.

Sak 1. Leiarnettverket "Tryggare styring".
Nettverket har hatt fire samlinger i 2001 og tema for disse samlingene har vore:
- breiband datanettverk i regionen, e-handel, produktutvikling, m.m.
- merverdiavgiftsreformen, risiko- og sårbarhetsanalyse
- personalleiing og personalpolitikk
Fjerde samling 21. og 22. november 01 var tema Konfliktløsning og evaluering av nettverket.

Mindre justeringer på drift og finansiering av nettverket resulterer i vidareføring med 100 % oppslutning. Dette er er svært bra og laget vil bidra positivt til framhald av nettverkssamlingane. Nettverket ser utfordring i korleis en kan laga interessante samlingar utan at årleg kostnad stig uforholdsmessig. Utvalget vil søke kompensasjonsfondet om midler for videre drift.

Sak 2. HMS - prosjekt i bedriftene ( tiltak 4.1 i strategiplan 2000-2003)
Første samling etter oppstartmøte 13.juni fant sted på Alver Hotell 16 og 17.oktober.
22 påmeldte fra like mange bedrifter var tilstede. Prosjektet planlegger å ha 3 til 4 samlinger i året med varierende temaer innenfor Helse, Miljø og Sikkerhet.

Sak 3. Lagstur.
Turen hadde også i år ein sosial og faglig god profil. Florø var målet for turen og på lørdag reiste vi til Svanøy for å få omvisning på Svanøy Hovedgård og Norsk Hjortesenter noe som innfridde til forventningene. På søndag før hjemreise besøkte me Kystmuseet i Florø. Utvalget vil oppfordre medlemsbedriftene å melde seg på med flere deltakere til lagsturen på høsten.

Kommunikasjonsutvalet takkar for all hjelp og støtte me har fått i året som har gått og ser fram til vidare arbeid med den største interesse.
 

************

 Mogeleg deltaking i Mongstad Vekst AS (selskap under stifting), særutskrift av styrevedtak:

      56/01 Invitasjon til deltaking i Mongstad Vekst AS

      Det var på førehand sendt ut til styremedlemene brev av 10. okt. d.å. fra Opus AS til NHIL. I brevet vert NHIL invitert til å vera med som aksjonær i Mongstad Vekst AS (under stiftelse), eit infrastrukturselskap som skal stå i spissen for vidare næringsutvikling på Mongstad. Selskapet planlegg ein aksjekapital på kr. 2. mill. og det er ynskjeleg at NHIL går inn med kr. 190.000,-, tilsvarande 9,5 %.

      Styret drøfta saka og var positiv til tilbudet om å vera med på oppstart av det nye selskapet. På anmodning refererte sekretæren vedtektene for NHIL og styret forutset at dei kan disponera eit såvidt stort beløp til dette formål utan at det kjem i strid med vedtektene eller må leggjast fram for ekstraordinært årsmøte. Saka vert meddelt medlemene gjennom årsmelding framlagt på neste ordinære årsmøte.

      Vedtak:

      NHIL går inn med aksjekapital kr. 190.000,- i Mongstad Vekst AS (selskap under stiftelse), og finansiering skjer ved belastning av laget sine fondsmidlar i bank. Ein føresetnad for aksjekjøpet er at aksjeposten vert kjøpt tilbake innan 2-3 år til opprinneleg pris.

      Rune Fanebust og Arnt Brandtun får fullmakt til å møta for NHIL på stiftelsesmøte. Det er styret si meining at NHIL bør vera representert i styret for Mongstad Vekst AS.

       

Sluttord:
Nok eit år har gått, og strikken for næringslivet er blitt stramare for dei fleste . Ein har på godt og vondt etter kvart vorte vande med dei nye rammevilkåra. Ei stor medlemsbedrift har varsla om nedlegging, og mangelen på fagutdanna arbeidskraft har økt.

Politisk uro sentralt og manglande evne til å samarbeida politisk ser ut til å verta viktig å fokusera på i tida som kjem. Nordhordland som ein storkommune er også i ferd med å bli eit vanleg tema i blant anna media. Dette er noko som næringslivet må ta tak i, og påvirka i meir næringsvennlig retning og oppbygging. Samarbeid mellom politikarar og næringsliv, slik at rammevilkåra blir meir forutsigbare, kan vera stikkord å byggja vidare på.

Kompensasjonsmidlane fekk ikkje den størrelse som først antatt, noko som ein fortsatt arbeider med. Etterkvart har mange bedrifter vorte flinke til å søkja om midlar til blant anna kompetanseheving. Fondet har enda mange millionar på "bok" slik at her må ein kjenna si besøkelsestid. NHIL har ved hjelp av fondsmidlane dradd i gang fleire prosjekt der også bedrifter utanom dei råka kommunane for økt arbeidsgjevaravgift kan ta del i.

Blant 65 styresaker i år kan ein trekkja frem bompengeordninga som eit eksempel. Styret vedtok å gå inn for forlenga bompengeperiode for å få fortgang i styresmaktene sine løyvingar i regional infrastruktur på blant anna veisektoren, uten at ein kom fram til ei løysing.

11 september er ein dato som mange vil hugse, den påvirka heile verdsøkonomien og Nordhordland vart ikkje noko unntak. Ein har vel endå ikkje nådd att det "tapte". Euroen er også noko som ein i Nordhordland har måtta tilpassa seg.

Samhaldet i laget har vore godt. Gjennomsnittsalder i styret har gått ned. Ein har lukkast i å rekruttera yngre representantar til styret. Laget har også etterkvart mange aktive og erfarne "ikke-styremedlemer" som bidrar i lagets arbeid. Ein spesiell takk til dei. Gjennom NHIL kan me saman arbeida for at framtidas utfordringar kan verta lettare å møta, og stå fram som ein region med sterke og konkurransedyktige verksemder med eit høgt faglig nivå. Innspel frå medlemmane på saker ein ønskjer laget skal ta tak i, kan godt bli fleire.

Styret vil takka alle som har bidratt i året som har gått, og ynskja lukke til med arbeidet i den enkelte bedrift.

Knarvik, 05. mars 2002.

Rune Fanebust (s)

Jostein Skråmestø (s)  

Formann

 Sekretær