Årsmelding 2004

<< tilbake

 Årsmøtet for 2003 vart halde på Alver Hotel, lørdag 17. april  2004. Det var 21 personar tilstades, 17 medlemsbedrifter var representerte. Etter årsmøtet var det eit innlegg ved

Trygve Hillestad, Hordaland Politidistrikt over temaet: ”Krisehåndtering”.

Prisen til ”Årets bedrift 2003” gjekk til Mongstadbase AS, prisen vart utdelt på årsfesten seinare på kvelden.

Medlemer:

Antall betalande medlemer pr 31.12.04 134 
Antall betalande medlemer pr 31.12.03 124
Antall nye i 2004 16 
Antall utmeldingar i 2004 6

I tillegg har laget 6 æresmedlemer.  

Innmeldingar :
BKK Nett, Mongstad Næringshage AS, Tess, Mongstad, Nor-controll AS, Frydenbø Bilsenter AS, Mongstad, Eknes Karosseri AS, Mjømnen og Berge Byggevareverksemd AS, Aker Kværner Offshore AS, Mongstad, Salong Evita, GT Lakk og Karosseri AS, Mats Granberg, Kvalheim Fritidssenter, Frank Georg Fosse, Malerduo, North Sea Mariner AS, Consis Nordhordland. 

Utmeldingar: 
Amis Industri og Skipsservice AS, Creanor, Myking AS, Sellevold Plastindustri AS, Hjelmås Slip og Mek. verksted AS, Gunnar Mjøs 

Styre  :
Øystein Hope, formann
Lars Hellandsjø, nestformann
Ivar K Johannessen
Tor Iversen
Arvid Sulen
 Frode M Skaar
Cathrine Dreyer Hermansen
Nils Landro
Øyvind Myhr

 Valnemnd:
 Nils Træland (formann), Rune Fanebust, Trond Helland 

Arbeidsutval:
Øystein Hope (formann), Lars Hellandsjø og Cathrine Dreyer Hermansen

Revisor:
Svein Hodneland, varamann Oddvar Sundbø

Administrasjon:
Inntil 31. aug 2004, avtale med Regionkontoret, utført av Kari Evensen Natland og Jostein Skråmestø. Frå 1. september 2004 vart Svein M Nordvik tilsett i fast stilling som dagleg leiar. Styret har oppnevnt følgande utval:

Næringsutval:
Ivar K Johannessen,(formann) Arnt Brandtun, Tor Iversen, Lars Hellandsjø og  Frode M Skaar.

Kommunikasjonsutval:
Arvid Sulen,(formann) Magne Hope, Hans Wergeland, Roald Olsvold, Cathrine Dreyer Hermansen og Trond Helland.

Utdanningsutval:
Nils Landro, (formann) Jarleiv Haugland, Inge Alver, Magnus Kvingedal og Øyvind Myhr NHIL har vore representert slik:

Det regionale Næringsutval  :
Øystein Hope og Ivar K Johannessen.
Varamenn : 1. Tor Iversen, 2. Rune Fanebust

Kompensasjonsfondet :
Øystein Hope og Ivar K Johannessen
Varamenn: 1. Tor Iversen, 2. Trond Helland

Styret for Opplæringskontoret for Nordhordland
Nils Landro (styremedlem)

Styret i Mongstad Vekst AS :
Arnt Brandtun, (styremedlem)

Formannen og dagleg leiar har representert laget ifm møte lokalt og regionalt.

NHIL har aksjar i Mongstad Vekst AS ( 20 aksjar, pålydende kr 10’ tilsvarande 10 % av AS- kapitalen) samt aksje i Nordhordland Industriservice AS (1 aksje, pålydande kr  1’)

Aktivitet:
I 2004 har det vore 10  styremøte og det har vore 2 medlemsmøte.Styret har hatt 62 saker til handsaming. I tillegg har arbeidsutvalet, forsterka med Jarleiv Haugland, gjennomført tilsettingsprosessen ifm stillinga som dagleg leiar i NHIL. Mykje av laget sitt arbeid har vore gjennom utvala. Dei respektive utvala rapporterar om følgande:

Næringsutvalet:
Utvalet har arbeidd med følgande saker:  

Sak 1    Forskuttering av veistrekningen Åse – Herland
I samband med mogeleg tidleg igangsetting av vegstrekninga Åse-Herland basert på forskuttering av midler, har utvalet vore sterkt engasjert. Det har vore vist skikkeleg dugnadsånd i fra Lindås Kommune samt ei lang rekkje bedrifter i regionen, slik at ein til samman har garantert for 70 millioner i forskottering til prosjektet. Dette fører til at prosjektet kan komme i gang i 2006 mot ca. 2015 utan forskottering.


Sak 2    Næringskonferanse
Utvalet har følt at det var viktig å følge opp den siste næringskonferansen som var for 2 år sidan. Sist gang var hovedmålet å synleggjera Nordhordland/Mongstad sin betydning som eit industrielt knutepunkt, både i regional og nasjonal samanheng.

Årets konferanse er planlagt til 6. september og har som hovedmål å vidareføre synleggjeringa av regionen, spesielt ovanfor politikerne, både regionalt og nasjonalt.

Dette for at politikarane skal vere med på den vidare utviklinga og leggje tilhøva til rette for vidare vekst i regionen. Sett av datoen, 6. september, og still opp.

Sak 3    Revidering av regional Næringsplan
Utvalget har deltatt på innleiande møte i samband med revidering av regional Næringsplan. Den regionale Næringsplanen er stor og omfattende.

Utvalget har valgt å konsentrere seg om det som har direkte betydning for lagets medlemmer, og då med spesiell vekt på rammetilhøve for næringslivet i regionen.

Sak 4    Mongstad Vekst AS
Selskapet har utvikla seg særs positivt i perioden.

Laget sitt engasjement i selskapet er med på å skape ein samlande profil for tilrettelegging av næringsaktivitetar i området som disponerast av Mongstad Vekst AS.

Sak 5    Andre saker
 Næringsutvalet har og hatt møte med politisk og administrativ leiing i kommunane for å fremje forståing for kor viktig næringspolitikken er for regionen. Utvalet har og deltatt på møter med politiske parti i regionen.

Formannen har deltatt i Det Regionale Næringsutvalg samt i styret for Kompensasjonsfondet. Næringsutvalget vil takke for hjelp og støtte gjennom året og ser fram til vidare godt samarbeid.

Kommunikasjonsutvalget:
 Utvalget har igjen gjennomført eit aktivt arbeidsår, 3 saker har hatt spesiell fokus:

Sak 1 : Leiarnettverket ” Tryggare Styring”:  (Tiltak 4.2 i Strategiplanen)

Målsettinga med nettverket er : Gjennom aktivt arbeid i nettverket, ved sosialt samvær, læring, trening og yting, skal deltakarane bli betre leiarar, samt kunne overføre  kunnskapen til regionalt samarbeid, og til eigne bedrifter for å oppnå betre forretningsresultat. Deltakere i nettverket skal primært vere den ansvarlige leiar for bedriften/avdelinga. Leiernettverket har hatt fire samlinger i 2004 og tema for desse samlingane har vore:

                1. samling  : Motivasjon

                2. samling  : Media og krisehåndtering

                3. samling  : Kommunikasjon og coaching

                4. samling  : Forhandlingsteknikk samt evaluering av samlingane i 2004

Det er gledelig at laget i dag har ventelister på å få delta i dette unike leiarnettverket, det er tydelig at det betyr mykje for deltakerane. Det er også gledelig at gruppa er utvida ved at følgjande nye har sagt ja til deltaking:

Fritz Inge Tredal, Baste Tveito, Magnar Samuelsen, Eva Karin Klaussen, Jane Hellebø, Arnstein Haugland,  Frode Sagstad, Stein Paulsen, Rune Skaar Lekven, Arvid Birkeland, Levi Kaland, Frode Langhelle, Audun Rebnor, Ragnhild Langøy, Dagfinn Namtvedt og  Hilde Lysø.

For meir informasjon om deltakarane, (totalt 42 personar) program etc, sjå våre
heimesider: www. nhil.no

Den løpande oppfølging gjennom året vert teke hand om av ei arbeidsgruppe. 

SAK 2
HMS – prosjekt i bedriftene   (tiltak 4.1 i Strategiplanen)

Med ekstern prosjektleiar har HMS – prosjektet hatt ein god framdrift i 2004. Ca 20 deltakarar fra små og mellomstore bedrifter har deltatt. Opplegget har vore ”skreddersydd” og tilpassa for desse bedriftene med god tilbakemelding. prosjektet vart avslutta i desember, innanfor ramma av dei økonomiske midlane som vart tildelt frå Kompensasjonsfondet. Sluttrapport ligg føre.         

SAK 3 Lagstur
Turen hadde i år også ein sosial og faglig god profil. Stor oppslutning ,72 personar, reiste til Helsinki 1. oktober og som for tidlegare turar ble også forventningane innfridd. Vi ble tatt godt imot av YIT som driv verksemd over heile verda, m.a. med avdeling på Mongstad. Laurdag hadde vi ein fantastisk synfaring i byen.

Av andre saker som utvalget har hatt fokus på – og som er omtalt i Strategiplanen – skal nemnast:

*    2 medlemsmøte  (Orientering om ”Skattefunns”- ordninga i oktober 2004) (Møte i Helsinki)

*    Nye heimesider ble lansert i februar 2005. Såvel gamal adresse, som den nye, www.nhil.no kan nyttast, tilbakemeldingane på lay-out og innhald er positive. 

Kommunikasjonsutvalet takker for all hjelp vi har fått i året som har gått og ser fram til det vidare arbeid med den største interesse.

Utdanningsutvalet:
 Utdanningsutvalet har hatt møte i haust og vinter, utvalet har spesielt arbeidd med desse sakene: 

  • Det er etablert eit godt samarbeid med dei to videregående skolene. Begge rektorene er med i utvalet, det er ein styrkje for kompetansebyggingen som vi arbeid med.      Skuleverket er i monaleg endring og livslang læring vil føre med seg eit markert sterkare samarbeid med Næringslivet.
  • Utdanningsutvalget har vært  prosjektstyringsgruppe for prosjektet: ”Kompetanseheving for Næringslivet i Nordhordlandsregionen” . Prosjekteigar har vore Opplæringskontoret for Nordhordland, Kompensasjonsfondet har gitt løyving.

I samarbeid med Knarvik videregåande skule og ein verksemd, har ein mellom anna testa ut nettbasert undervisning. Dei vidaregående skulane  har nå etablert eit samarbeid med Hordaland Fylke, det vert teke sikte på å inkorporere det opprinnelige prosjektet i dette nye opplegget.

I tillegg til utvalsmøtene, har utvalets leiar deltatt i :

-    styremøter i Opplæringskontoret for Nordhordla
-         diverse møte på vegne av NHIL sitt utdanningsutval
-         juryen for kåring av beste elevbedrift i samband med Utdanningsmessen 2004

Arbeidsutvalget:
Utvalet har handsama tilsetting av dagleg leiar. Det var 18 søkjarar til stillinga. Utvalet hadde uvurderlig hjelp av Jarleiv Haugland, Statoil Mongstad,  til å sortere og intervjue kandidatane. Jarleiv styrte oss gjennom ein god prosess, og vi endte opp med den beste kandidaten.

Styret har tilsett Svein M Nordvik som dagleg leiar og såleis er årsmøtevedtaket effektuert. Lykke til Svein!

Sluttord:
Året 2004 har vore eit år med stor aktivitet i Nordhordland. Næringslivsbarometeret til Sparebanken Vest viser optimistisk utvikling i dei fleste bransjer. Laget har engasjert seg for å få vekk flaskehalsen Åse – Herland på Rv 57.Her har medlemsbedrifter forplikta seg til å forskottere 60 millioner og Lindås kommune 10 millioner. En stor takk til desse. Dette har vore ein viktig og god sak for laget, med betring av infrastrukturen i regionen vår.

Vårt engasjement i Mongstad Vekst AS har vist seg å vera positivt og bidreg til høgare aktivitet i regionen. Så langt har dei fått på plass den største kaien i Noreg, veg erbygd utog Stena Miljø har etablert seg.

Våre største medlemsbedrifter går svanger med store utvidingsplanar. Realisering avEnergiverk og gass til Mongstad vil åpne for mange moglegheiter. Styret ser det som ei prioritert oppgåve å støtte opp under dette. Som eit tiltak har laget meldt seg inn i Hordaland Olje og Gass (HOG).

Kompensasjonsfondet er nå fordelt. Næringslivet har vore flink til å søkje og dette  har nå ført til mykje kompetanseheving. Styret oppfordrar bedriftene som har fått tildeling om å gjennomføre prosjekta sine. Om månedar er Nordhordlandsbrua nedbetalt. Det vert billigare å pendle med bil. Bustad-etterspurnaden vil auke. Det vil bli lettare for våre bedrifter å konkurrere mot Bergen, og lettare for Bergensbedrifter å komme hit. Er vi førebudd? NHIL har vore, er, og skal væra, den viktigaste pådrivar for næringslivet i  regionen vår. Betydelig auka medlemstal, og at vi er meir synlege i media, er ein god indikasjon på dette.

Styret vil få takke alle som har vore med og arbeidd for laget og medlemsbedriftene. Spesielt vil vi takke tidligare styremedlemmer og æresmedlemmer for innsatsen i laget. Ein takk også til Regionkontoret for samarbeidet vi har hatt om sekretær- og regneskapfunksjonen.

Til slutt ynskjer styret i NHIL medlemsbedriftene lukke til med arbeidet vidare, og ta gjerne kontakt dersom det er noko ein meiner laget bør ta tak i. Svein er ein ressurs, bruk han.

Formannen vil takke for tilliten gjennom to innhaldsrike år, og er overbevist om at NHIL er ein ”god skute” å levera vidare. Lukke til !
 

Knarvik,  6.april 2005

Øystein Hope  (s)
Formann

Svein M Nordvik (s)
Dagleg leiar

Tor Iversen (s)

Jostein Skråmestø (s)
Formann Sekretær